Actor Srikanth Says He Have Not Been In Contact With Actor Vijay After Nanban Film Verify Out To Know Extra Particulars

தமிழ் நடிகர் ஸ்ரீகாந்த், விஜய், கமல் மற்றும் தன்னை பற்றிய சில சுவாரஸ்ய தகவல்கள் சிலவற்றை கூறியிருக்கிறார்.

 

காஃபி வித் காதலில் நடிகர் ஸ்ரீகாந்த்:

காதல், ட்ராமா, சென்டிமன்ட் கலந்து, கம்ப்ளீட் பேக்கேஜாக சுந்தர் சி உருவாக்கிய படம் காஃபி வித் காதல். இப்படத்தில், நடிகர்கள் ஜீவா, ஜெய், ஸ்ரீகாந்த், டிடி என ஒரு நட்சத்திர பட்டாளமே நடித்திருந்தது. அது மட்டுமன்றி, நடிகைகள் ரைசா வில்சன், சம்யுக்தா, அம்ரிதா ஐயர் உள்ளிட்டோரும் முக்கிய கதாப்பாத்திரங்களில் நடித்துள்ளனர். படம் வெளியாகி ரசிகர்கள் மத்தியிலும் வரவேற்பை பெற்றுள்ளது. இதில் ஹீரோக்களுள் ஒருவராக நடித்திருந்த ஸ்ரீகாந்த், தன்னைப் பற்றியும் கமல், விஜய் உள்ளிட்ட முக்கிய ஹீரோக்கள் பற்றியும் சில தகவல்களை ஒரு நேர்காணலில் கூறியுள்ளார். 

Reels

“என் பையனை பிரதர் என கூப்பிட சொல்வேன்..”

காஃபி வித் காதல் படத்தின் ஷூட்டிங் மற்றும் ப்ரமோஷன் நிகழ்ச்சிகளில் பிசியாக இருந்த நடிகர் ஸ்ரீகாந்த், சமீபத்தில் தனியார் ஊடகம் ஒன்றின் நேர்காணலில் கலந்து கொண்டார். அதில் அவருடைய சினிமா பயணம் குறித்து கேள்வி எழுப்பப்பட்டது. அதற்கு அவர், “நான் சினிமா துறைக்கு வந்து 20 வருடம் ஆகிவிட்டது, இதைப் பார்க்கும் போது நமக்கு வயதாகிவிட்டதோ என்றுதான் தோன்றுகிறது. இதனால் என் பையனைக் கூட, ‘அப்பா என்று கூப்பிடாதே பிரதர் என்று கூப்பிடு’ என கூறுவேன். இத்தனை நாட்கள் கடந்திருந்தாலும், நான் முதல் படத்தில் நடிப்பது போல்தான் உணர்கிறேன். அப்போதுதான் நடிப்பும் நன்றாக வரும். சினிமாவில் கால் பதித்த இத்தனை வருடங்களில் ஏற்ற இரக்கங்கள், மனப்போராட்டங்கள், தன்னம்பிக்கை என பல விஷயங்களைக் கற்றுக்கொண்டேன்” எனக் கூறினார். 

கமல்ஹாசன் குறித்து ஸ்ரீகாந்தத் 


ஸ்ரீகாந்திடம் நடிகர் கமல்ஹாசன் குறித்து கேள்வி எழுப்பப்பட்டது. அதற்கு அவர், “எனக்கு மிகவும் விருப்பமான நடிகர் கமல்ஹாசன். எனது திருமணத்திற்கு முதல் ஆளாக வந்தவர்களுள் அவரும் ஒருவர். அவரது பிறந்தநாளன்று தான தர்மங்களை செய்யும் அவர், என் கையில் கொடுத்து அதை செய்ய சொல்வார். ஏன் என்று கேட்டால், அடுத்தவர்களுக்கு உதவி செய்ய வேண்டும் என்ற எண்ணம் நமக்கும் வர வேண்டும் என்று அதற்கு பதிலளிப்பார். நவம்பர் 7ஆம் தேதி பிறந்தநாள் கொண்டாடும் அவருக்கு, இனிய பிறந்தநாள் வாழ்த்துகள்” என கமல்ஹாசனிற்கு இனிய வாழ்த்தினை தெரிவித்தார் நடிகர் ஸ்ரீகாந்த்.  

“விஜய்யுடன் தொடர்பில் இல்லை…”


ஷங்கர் இயக்கத்தில் 2012 ஆம் ஆண்டில் வெளியாகி மிகப்பெரிய வெற்றி பெற்ற  படம் நண்பன். நடிகர்கள் விஜய், ஜீவா மற்றும் விஜய் ஆகியோர் நண்பர்களாக நடித்த இப்படம், ரசிகர்கள் மத்தியில் மாபெரும் வரவேற்பை பெற்றது. இதனால், ஸ்ரீகாந்திடம் “நடிகர் விஜய்யுடன் தொடர்பில் உள்ளீர்களா?” என கேள்வி எழுப்பப்பட்டது. அதற்கு அவர், “நண்பன் படத்திற்கு முன்பு நாங்கள் நன்றாகவே பழகி வந்தோம். நண்பன் படத்தில் நண்பர்களாக நடித்தோம். ஆனால் தற்போது நான் அவருடன் தொடர்பில் இல்லை. என்னிடம் இருக்கும் ஒரு மிகப்பெரிய கெட்ட பழக்கம் என்னவென்றால், Maintain in Contact என்ற பழக்கமே கிடையாது. அதனை வளர்த்துக்கொள்ள முயற்சி செய்கிறேன் ஆனால் முடியவில்லை” என்றார். 

விரைவில் சொந்த கம்பெனி?

தொடர்ந்து நேர்காணலில் கேட்கப்பட்ட கேள்விகளுக்கு ஜாலியாக பதில் அளித்த ஸ்ரீகாந்த், விரைவில் சொந்தமாக திரைப்படம் தயாரிக்கும் நிறுவனத்தை தொடங்கவிருப்பதாக தெரிவித்தார். இந்த பேட்டியின்போது, காஃபி வித் காதல் படத்தின் நாயகிகளுள் ஒருவரான சம்யுக்தாவும் உடனிருந்தார். 

தகவல்,உதவி-Filmi Beat

Related Articles

LEAVE A REPLY

Please enter your comment!
Please enter your name here

Stay Connected

22,823FansLike
3,598FollowersFollow
0SubscribersSubscribe
- Advertisement -

Latest Articles