PAK vs SL Asia Cup Closing : சாம்பியன் பட்டத்தை வென்ற இலங்கை…! மிரட்டல் பவுலிங்..! பாகிஸ்தானை சுருட்டி அபார வெற்றி..!

<p>ஆசிய கோப்பைத் தொடரின் இறுதிப்போட்டி துபாயில் நடைபெற்றது. இந்த போட்டியில் முதலில் பேட் செய்த இலங்கை அணி பனுகா ராஜபக்சே மிரட்டலான அரைசதம், ஹசரங்கா அதிரடியால் 170 ரன்களை குவித்தது. இதையடுத்து, 171 ரன்கள்&nbsp; இலக்குடன் களமிறங்கிய பாகிஸ்தான் அணிக்கு முதல் பந்தை எதிர்கொள்ளாமலே 9 ரன்கள் கிடைத்தது. மதுஷனகா வைடாக வீசியதால் அந்த ரன் கிடைத்தது.</p>
<p>இந்த தொடரில் தொடர்ந்து சொதப்பி வந்த கேப்டன் பாபர் அசாம் இந்த போட்டியிலும் ரசிகர்கள் ஏமாற்றம் அளித்தனர். அவர் மதுஷன் பந்தில் 5 ரன்களில் ஆட்டமிழந்தார். அவரைத் தொடர்ந்து களமிறங்கிய பக்கர் ஜமான் முதல் பந்திலே போல்டாகி கோல்டன் டக் அவுட்டாகி வெளியேறினார். 22 ரன்களுக்கு 2 விக்கெட்டுகளை இழந்த பாகிஸ்தான் அணிக்காக ரிஸ்வான் &ndash; இப்திகார் அகமது ஜோடி சேர்ந்தனர்.</p>
<p><br /><img type="show: block; margin-left: auto; margin-right: auto;" src="https://feeds.tamilfunzonelive.com/onecms/pictures/uploaded-images/2022/09/11/2a305eacea8ffc7d6cc88621b09c3ffc1662919288128102_original.jpg" /></p>
<p>இருவரும் இணைந்து நிதானமாக ஆட்டத்தை தொடங்கினார். சிங்கிள்களாகவும், இரண்டு ரன்களாகவும் பாகிஸ்தான் ஸ்கோரை ஏற்றினார். இருவரும் இணைந்து அணியின் ஸ்கோரை 93 ரன்களாக உயர்த்தியபோது இந்த கூட்டணியை மதுஷன் பிரித்தார். இப்திகார் அகமது 31 பந்துகளில் 2 பவுண்டரி 1 சிக்ஸருடன் 32 ரன்களுக்கு ஆட்டமிழந்தார். அவர் ஆட்டமிழந்த பிறகு களமிறங்கிய முகமது நவாஸ் தடுமாறினார். இதனால் சிக்ஸர் அடிக்க முயற்சித்து முகமது நவாஸ் 6 ரன்களில் ஆட்டமிழந்தார்.</p>
<p>அடுத்தடுத்து விக்கெட்டுகள் விழுந்தாலும் தொடக்க வீரராக களமிறங்கிய முகமது நிவாஸ் அரைசதம் விளாசினார். அரைசதம் விளாசிய பிறகு அதிரடியாக ஆட வேண்டிய கட்டாயத்திற்கு சென்ற முகமது ரிஸ்வான் சிக்ஸருக்கு அடித்த பந்தை எல்லைக்கோட்டில் குணதிலகா கேட்ச் பிடித்ததால், 49 பந்துகளில் 4 பவுண்டரி 1 சிக்ஸருடன் 55 ரன்களில் ஆட்டமிழந்தார்.</p>
<p><br /><img type="show: block; margin-left: auto; margin-right: auto;" src="https://feeds.tamilfunzonelive.com/onecms/pictures/uploaded-images/2022/09/11/ac5fdd12d9b78566359bd2d3936581d31662919328526102_original.jpg" /></p>
<p>ரிஸ்வான் ஆட்டமிழந்ததால் போட்டியில் மிகுந்த பரபரப்பு ஏற்பட்டது. ஆனால், ஹசரங்கா வீசிய அதே ஓவரில் பாகிஸ்தானின் பினிஷர் ஆசிப் அலி டக் அவுட்டாகினார். அதே ஓவரில் குஷ்தில்ஷா 2 ரன்களில் ஆட்டமிழந்ததால், ஒரே ஓவரில் மட்டும் ஹசரங்கா 3 விக்கெட்டுகளை கைப்பற்றி ஆட்டத்தை இலங்கை வசம் கொண்டு வந்தார். பாகிஸ்தானின் கடைசி நம்பிக்கை ஷதாப்கானும் 8 ரன்களில் ஆட்டமிழக்க, பாகிஸ்தான் அணி வெற்றிக்கு கடைசி 6 பந்துகளில் 32 ரன்கள் தேவைப்பட்டது.</p>
<p>பாகிஸ்தான் அணி 20 ஓவர்களின் முடிவில் 147 ரன்களுக்கு ஆல் அவுட்டானது. இதனால், இலங்கை அணி 23 ரன்கள் வித்தியாசத்தில் அபார வெற்றி பெற்று ஆசிய கோப்பையை வென்று சாம்பியன் பட்டத்தை கைப்பற்றியது. &nbsp;இலங்கையின் சார்பில் மதுஷன் 4 ஓவர்களில் 34 ரன்கள் மட்டுமே விட்டுக்கொடுத்து 4 விக்கெட்டுகளை கைப்பற்றி அசத்தினார். ஹசரதுங்கா 3 விக்கெட்டுகளை வீழ்த்தினார். கருணரத்னே 2 விக்கெட்டுகளையும், தீக்&zwnj;ஷனா 1 விக்கெட் வீழ்த்தினர்.</p>
<p><br /><img type="show: block; margin-left: auto; margin-right: auto;" src="https://feeds.tamilfunzonelive.com/onecms/pictures/uploaded-images/2022/09/11/f9784028d6e8f2d60b50f76b962cc4491662919415227102_original.jpg" /></p>
<p>முதல் போட்டியில் ஆப்கானிஸ்தானிடம் படுதோல்வி அடைந்த இலங்கை அணி இறுதிப்போட்டியில் வெற்றி பெற்று 6வது முறையாக ஆசிய சாம்பியன் பட்டத்தை வென்று அசத்தியுள்ளது.</p>
<p>&nbsp;</p>

Related Articles

LEAVE A REPLY

Please enter your comment!
Please enter your name here

Stay Connected

22,823FansLike
3,502FollowersFollow
0SubscribersSubscribe
- Advertisement -

Latest Articles