சென்னை: நடிகர் ராகவா லாரன்ஸின் 'ருத்ரன்' திரைப்படத்தின் ஃபர்ஸ்ட் லுக் வெளியாகி உள்ளது. நடிகர்கள் ஆர்யா மற்றும் சசிகுமார் ஆகியோர் படக்குழுவினருக்கு தங்களது வாழ்த்துகளைத் தெரிவித்துள்ளனர்.
நடன இயக்குனராக இருந்து பின்னர் நடிகராக உருவெடுத்து, தற்போது கதாநாயகனாக நடித்து வருகிறார் நடிகர் ராகவா லாரன்ஸ். தற்போது இவரது நடிப்பில் 'ருத்ரன்' என்ற திரைப்படம் உருவாகி வருகிறது. தொடர்ந்து அதிகாரம் மற்றும் சந்திரமுகி 2 போன்ற படங்களில் அவர் நடிக்க உள்ளார்.